Ieri sera gಠvisto per television i giogadori de Inter e Valencia che, ala fine dela partida, se gà  dado ben pulito, ma sazio propio ! E subito dopo i giornalisti de Sky cole solite frasi de mone :” Questi sono episodi ai quali non vorremmo mai assistere” e robe del genere. Per dir el vero a Luca Vialli ghe vigniva de rider, ma dopo un atimo i ga cavà  l’ inqudratura e forsi se gavemo perso l’ unico de lori che iera sincero. Sincero ? Ma si, sincero ! Perchè una bela rissa come quela de ieri sera fa de rider nಠpoco. Cಠsti deficienti de baloneri che se dà  lignade in mezo al campo, che i se cori drio, che i se tombola per tera, coi dirigenti che se meti in mezo e se beca canoti pel muso. Con quel spagnol, che nಠghe entrava gnente perchè nಠgaveva gnanca giogà  che ghe stampa un pugnà²n in tel muso a Burdisso che iera tre de lori che lo tiniva fermo ( bel esempio de coragio), e dopo el scampa coi giogadori de l’ Inter che nò riva a ciaparlo e si intopa un sul altro ( bei atleti ara !). Ma insoma dò ridade me son fato, dopo aver visto anca una partida veramente triste e squalida tra dò squadre che gaverà  tirà  in porta quatro volte in un’ora e meza. Ma dove andaremo a finir ? Ciò una bela rissa e nissun che ghe dà  al arbitro. Ma perchè ? Iera una bona ocasion. Persa anca questa !
Insoma, ala fine veramente l’ unica roba divertente xè stada propio stà  dimostrazion che i baloneri gaverà  i milioni de euri e le veline de taconarse, ma zervel….. non pervenuto ! Se fussi el presidente de una de ste società  ghe disessi : cocoli, ve pago per giogà r balon. Se volè far altri sport podè andar in palestra de pugilato, che là  troverè sicuro qualchidun che ve impinissi de papini come che dio comanda.
Nò voio far el moralista ( propio nò xè la mia parte) ma a mi me par che se un vol, durante la partida un pochi de colpi pol spartir senza problemi ( varda nel altra partida come che Fred ghe ga spacà  el naso a Chivu e come i se gà  da sazio per quasi un’ ora) e nò ocori spetar che tuto sia finido. Del resto anca in altri sport i se dà , come nel rugby per esempio, dove el pugnon a caldo xè sempre stado tolerado, ma ala fine tuti a beverse un dò bire in compagnia.
E se volè nò farve mal….. andè a giogà r palavolo, come che gaveva dito quel genio de Bobo Vieri ( quel che ga dito : mi son ’ssai pi๠omo de tuti voi), l’ omo col bimbin pi๠picio del universo ( ma col zervel inveze….. ).
Propongo alora el siopero contro el calcio. Ma mandemoli a cagar tuti quanti, anzi, mandemoli un dò mesi in miniera e dopo vedemo se i gà  ancora voia de far i mone !.

Bon, ‘desso basta, torno a scriver qualcossa per l’ uficio, se no Riky se incazza e el comincia a alzar la vose ( la sua bela vose baritonale e virilona….)…. ma che el vadi a cagar anche lui !

A presto cari ( e sopratuto care),

Il vecchio