Bon, ieri sera i cugini neroazzurri gà  fato una discreta figura contro una squadra vera. Come de diverso tempo ’ssai fumo e poco arosto, ’ssai nervosismo e poca voia de far fadiga. Voi dirè: eco el solito juventin de merda che butà , apunto, merda sula magica Inter! Per dir la verità  la tentaziòn xè ’ssai forte, perchè dopo dò ani de sentirse dir: el scudeto dei onesti, noi semo l’unica società  che fa le robe ben, nò gavemo mai avù favori dei arbitri, anzi, semo la squadra più importante de Milan, Mancini xè el più bravo alenador del mondo, gavemo tuti i giogadori più bravi, più forti, più fighi….. ben, anca un santo gavessi le balle piene.
Inveze no, devo eser onesto e leale e dir dele robe che gabi un senso, al di là  dele polemiche.
Nò son un esperto de balòn. Per dir la verità , come i fati dimostra, nò son un esperto de nissun sport, ma alcune impresioni me resta, dopo aver visto l’ Inter (ma anca el Milan per dir la sincera verità ).
Due, tre considerazioni.
In Italia gavemo diversi giogadori de gran nome, anzi tanti, che magari xè rivà i dai campionati esteri, ma se gavemo mai domandà  perchà© le squadre forti dà  via giogadori de rilevo ale squadre italiane ?
Maradona xè rivà  in Italia perchè el gaveva comincià  cola coca in Spagna, Gascoigne gaveva un tasso alcolico permanente oltre i limiti de una distileria de trappa, Viera iera ultra spacà , coi muscoli boni per far brodo, Figo ’ssai figo, ma tenuta? (bela la moglie almeno), Andrade xè rivà  zà  fallà , e avanti cussì.
Dopo guardemo l’età  media dele squadre che partecipa alle Coppe: tute intorno ai trenta ani, le altre (inglesi, spagnole sopratuto) ventidò, ventitrè.
Questo nò vol dir che qualche giogador de esperienza nò sia importante, anzi, ma qualche, nò tuti, perchà© se no chi cori?
Anca ieri sera gavemo visto una squadra che caminava anca svelto (Inter) e una che coreva per tuto el campo (Liverpool) e, ala fine, el risultato nò podeva che eser quel. Si, l’arbitro nò xè sta giusto, l’ Inter (cussì come el Milan) gà  sbaglià  un per de ocasioni, ma i risultati me par sostanzialmente giusti e corretti, o sbaglio ?
E i nostri giovini dove xè?
O zà  nei campionati esteri o nel Empoli, nel Siena, nel Udinese o in serie B o in serie C e questo nonostante che, nei ani, l’ under 21 gà  fato grandi risultati per tuto e adesso li fa anca l’under 18…….. Xè mejo spender 15 milioni de euri per Tiago o tinirse dò, tre de lori che costi quatro volte tanto e tecnicamente xè compagni de lui.
Bon, basta cole robe serie!
Me gà  piasso el governator de New York: el grande moralizatore! Ciò, pizigà  come grande cliente de un casoto de alto bordo (e anca col sconto).
El Di Pietro dei Stati Uniti!
Nò xè mai de fidarse dele persone che te fa la predica, che te disi sempre che questo xè giusto e questo nò xè giusto, che guà rse la vicina de casa xè pecato mortale, che bever dò biceri de vin te se rovini, che scorezando te inquini l’ atmosfera e te provochi l’effetto serra.
Come che fazzo anca mi ogni tanto: nò steve fidà r perchè magari cò parlo me stago montando vostra sorela!!!!!