E bravi i muloni de Teo! I gà vinto anca l’ultima coi “vecioni” ex Rozzol, che nò mola mai e che i se diverti propio giogando ben e con grande grinta (e tantissima lealtà e sportività a dir el vero). Ma, come che se disi: “onore al merito” (che nò gò mai capì cossa che vol dire veramente). Nele partide che gò visto i muli gà veramente giogà con tanta determinaziòn, forsi ghe xè mancada un poca solo nela partida del andata coi riguttiani de Robi, ma con ordine, precision e decisamente bona tecnica.
E in questo se vedi la man del Unterjunior; no xè gnente cossa dir. Nol sarà un grandisimo palegiador, ma come alenador el xè propio bravo (ma nò, anca come palegiador nol xè mal, anzi). Insoma dele some, vinto el campionato! Ciò vinzer un campionato xè sempre più che bel e gò visto i muloni veramente contenti. In particolar Gabro, che me gà dito: “ciò finalmente, dopo venti ani de palavolo gò vinto un campionato!”. Ma cossa dir de tuti i altri: bravi tuti, veramente.
Bravi come giogadori e bravi come gruppo, come amici, che resta sempre la roba più importante. Bravo Lele, che xè sempre stà presente con la tecnica e con la testa e cò nol iera al massimo el se gà sempre meso a disposizion dela squadra; bravo Sandro che dal centro, con quela sua strana bala de secondo tempo (fora tempo) el xè stado imprendibile in tante partide e pò esempio pei altri, da bravo capitano; e Gabro, che nò gà mai fato i filoti de tiri in rede e fora col scapuzza cò la testa, sempre atento e con granda concentraziòn; bravo Dino, sempre, anca se nol iera stà ultima partida (e ghe femo stò grande “in culo ala balena” per l’esame) nonostante qualche (?) chilo de tropo, ma la voja sempre al 100%; bravo Guid8 che xè stado a disposizion per far de tuto (centro, banda, palegiador, secondo libero, fecondador…); bravo Gibbuz, che tanto gà migliorado in tuti i fondamentali e gà anca giogado ben drìo e davanti; bravo Vale, anca lui ’ssai migliorado in ricezion e in ataco (ma el sarà ancora mejo cò l’imparerà a star zito, almeno ogni tanto); bravo Cece che cò el xè andà in campo el gà sbaglià gnente (e questa xè sempre una grande qualità, specie tra i giogadori del Volley Club); bravo Mario, el nostro farmacista preferido, che, secondo mi, poderà diventar un bravo, bravisimo centralone; e el Nano? ciò devo dir che nol gà falà una partida, propio el xè diventà un libero sicuro, preciso, che iuta i altri e se ciol tute le responsabilità, una vera sorpresa in positivo (a parte qualche lieve incazzadura ogni tanto…); bravo e grazie a Bembo, che, ala ciamada de socorso al xè vignudo a dar una man (del resto un bravo dotòr devi esser a dispiosizion ogni ora del giorno e dela note… come che ghè ricorda anche la Bemba…..), comunque un piazèr vederlo de novo in braghete e majeta; e pò la punta de diamante, el Negro, l’oposto de qualità, l’omo vicente, el vero Nico! Bravo, quasi dotòr Spanio. Ocio che de qua a qualche ora dotòr veramente el sarà. E alora anca a lui un bel “in culo ala balena!, (sperando che dale parti dela Nova Zelanda nò sia dò balene che se disi una al altra: in culo a Nicolò!).
E pò el palegiador-coach-anima dela squadra. L’ex giovine Teounter.libero.it (anzi nò più libero, ma ghe và ben cussi e pò la mulona xè cocola). Devo dir che el xè stà bravisimo a convinzer el grupo a far el campionato, a alenar i muloni, a meterli in campo, a evitàr casini tra i giogadori, a mediàr, a parlàr. Se lo vedi Berlusconi, minimo minimo lo candida ale europee…..
Cossa altro gò de dir, se nò ancora: bravi muli, xè stà un piazer vederve giogàr. Propio un bel giogàr in tute le partide, col spirito e la voja giusta (quela che xè mancada in tante altre ocasioni con altri giogadori). Ma laseme dir ancora che xè stadi bravi anca i giogadori de Robi. Le due partide de andata e ritorno xè stade belissime e indiferente chi che gà vinto, tuti gà giogado veramente ben. Pecà che el campionato lo pol vinzer una sola squadra perchè anca lori meritava e meritava anca Robi che li gà alenai e preparai veramente più che ben.
Bon ‘desso granda festa; magnar, bever (de guar nò se parla, come sempre) e ciorse pel cul! Giusto cussì! E el prosimo ano? Ben bon vederemo, ne vinirà qualche idea.
Bravi muli e congratulazioni de tuto cuor!
Rudi
ragazzi ! grazie per lo splendido campionato, grazie per la splendida stagione, grazie per lo splendido gruppo.
Rudy, grazie de esser passà e de esserte dedicato a noi come “consulente tecnico”, prezioso ! Farò voto de silenzio come consigliato…
Teo, allenatore fenomele, palleggiatore eccelso, ma soprattutto ottimo, fantasmagorico amico ! grazie, troppa roba !
I ringraziamenti speciali vanno a:
Lele, che te ga solche cul perchè i mani-fuori non te li cerchi me i te capita…. ;-D
Mario, per il muro nei 2 millimetri nella penultima partita de campionato, la banda dello sloga stà ancora cercando l’orgoglio per terra….
Nano, che con el suo “BASTA CALCETTO, ! ME GAVE’ ROTTO I COJONI ! EL ne ga permesso de diventar squadra e de consacrarse al Legend con la riappacificazione tra el sciavo ed el teron ! Nonostante qualche partita tu sia arrivato in ritardo o non proprio venuto (tipo la seconda….), secondo me gran parte del merito per la promozione è tuo !
Negro, che uomo ! con ti me son divertido da morir ! vederte saltar e schiacciar con la man a badile xe un gusto ! troppo bel
Cece, el canguro salterino, che con i tuoi controtempi da oppostone di fiducia te gà mandà in confusion un disastro de volte sia noi che gli avversari che i te vedeva attaccar qualsiasi palla con determinazione e cattiveria, e sempre a terra andava !
Sandro ! che come capitano xe troppa roba ! serio quando bisogna esser seri e burlone quando servi stemperar gli animi. La tua balla cattiva de 2° tempo contro tempo xè imprevedibile ! proprio come ti !
Dino, che el primo allenamento pensavamo te ne morissi li, anche el secondo a dir el vero, ma el tuo contributo da centro magnaradici xe compre sempre fondamentale, xe un piazer zogar con ti compaesan !
AMOROSO, grazie de esser passà !
Gibbuz, amico, me son divertido ! crescere con te, pallavolisticamente parlando, è stato un gusto ! sempre con il sorriso, sempre bravo e devoto ! grande GB
Guidotto, della serie ! entra in battuta ! vai….e sbaia ! troppo rider ! ma ricordemose che le tue battute ne ga fatto sognar tante volte ! sicure e precise ! insidiose ! e sopprattutto, come ha detto il buon vecchio rudy ! Jolly de qualità ! dove te lo metti el sta, el segna !
Teo, per aver creduto in tutti noi ! dal primo all’ultimo ! per aver dedicato del tempo a migliorare i nostri fondamentali, il nostro gioco di squadra e il nostro spirito di gruppo ! preciso, attento, calcolatore ! EL nostro LIPPI. Grazie Unterjunior, quando te comincerà a parlar e non se capirà un cazzo de ciò che te disi te sarà un vero Allenator ! Perchè ai veri allenatori non servi la parola, ma xe el carisma infuso che fa la differenza !
e se go dismentegà qualchidun, perdoneme !
Bravi muloni!!!
grazie per gaverme accolta in palestra sempre col sorriso e per gaverme fatto capir l’importanza del calcetto… (quel giro me go troppo divertì…anche se no go ciapà una).
Bravi tutti… ancora!
Mary
Credo sia davvero difficile aggiungere qualcosa che possa essere all’altezza di quanto, di bellissimo, è stato scritto nei vari commenti qui sopra. E, allora, aggiungo solo un ringraziamento di cuore ad ognuna delle persone che hanno condiviso quest’avventura. Grazie per aver sposato entusiasmo e impegno, grazie per aver saputo perdere prima che vincere, grazie per non aver mollato mai fino all’ultimo senza dimenticarsi di sorridere e scherzare al tempo stesso. E grazie soprattutto perché trovarci in palestra per stare bene assieme è stata ed è la nostra priorità. Questo, a prescindere da vittorie e sconfitte, è il risultato più bello.
Arf
Ah sì: e grazie anche per le paste a tutti quei che le ga portade!!! W lo slogan: meno esercizio in battuta e più paste garantite!
Niente da aggiungere quasi tutto da confermare.
Non xe stado difficile convinzer le persone a giogar in prima division anzi molti se ga aggiunto perchè l’idea iera coccola, prima che nano rompessi i cojoni per far le robe seriamente.
Dal canto mio posso dir che go scelto de zogar con gli Untervintage per tutta una serie de motivazioni logistiche e se gavessi zogado con i Matteucci’s non saria cambiado QUASI niente.
Adesso che tutto xe finido me piasessi che i due gruppi podessi passar questi ultimi mesi de allenamenti, prima dell’estate, in serenità, magari fazendo qualche allenamento assieme (ovviamente a base de calcetto).
I ringraziamenti va fatti a tutti al commissario Rudi, alla presidentessa, ai giogadori e alle morose/mogli e fioi che ne ga sopportado (ma se ne volè ben doverè ancora sopportar).
LELE
PS: Xe vero che bisogna imparar a perder prima de imparar a vinzer ma dopo che te ga imparado a vinzer xe mejo non perder.