Insoma ogi el nostro John Bembo el se gà laureà in medicina e chirurgia (la laurea bona, nò quela de tre anni che el gaveva zà fatto). Di fronte a un folto pubblico (come che se diseva una volta) el giovine gà presentà una tesi de laurea sul mal de schena. Voi dirè: ma che cazzada! Inveze no, perchè circa el 90% dele persone prima o dopo ghe vien mal de schena. E anca mi me son dito: ara che ben, chè finalmente gaverò el rimedio per stò malignazo mal de schena che certe volte me fa quasi zigàr del mal. Gò scoltà tuta l’esposizion con el massimo interesse (interesse personale, ovvio) e ala fine gò capì che me resta el mal de schea, che devo eser depresso e che devo andar dal psichiatra. Per fortuna de guàa nò se gà parlà! Insoma, dopo che sono stà (insieme a tanti de lori) in pìe per tre quarti d’ora) semo punto e a capo. Nonostanet questo el bon Bembo el se gà tirà su un bel 110 e lode. Bravo Bembo, anzi bravissimo ma adeso speremo che el rivi a farghe passar el mal de schena a tuti noi poveri cristi in crose. Presente ala manifestazione una larga rapresentanza del Volley Club (capitan Minto, 30llo, Butch, Nico, Piero + Beppe + Fabri + Federica e , ovio, Jaguar), che gà festeggià el dotòr fora del aula magna de anatomia patatologica, insieme ai circa 70 parenti intervenuti (i più streti, natural). Ma complimenti in più a Mamma e Papà Bembo che gà nutrì, sostegnudo e iutà sempre el giovine (pur con qualche rara difformità di opinioni…) e al sempre presente Gigi. Insoma gavemo un bravo novo dotòr, bem laureado e ancora disocupà, perchè comunque una specializazion doverà anca farla. Ma intanto verzemo le botilie de spumante, taiemo i profiteroi, magnemo e bevemo a sazietà ala salute de sto mulo, al quale tuti ghe volemo ben anca perchè nol se incazza mai (ma quando che el se incazzerà…). AUGURONI DOTOR !!!